حوار بيننا

انا: اتغيرت كتير
قلبى: هى اللى غيرتنى
أنا: فين قسوتك؟!
قلبى: نسيتها
أنا: يعنى مفيش جواك غيرها؟
قلبى: مملكتى مش بتساع غير ملكة واحدة
أنا: طيب وهى؟
قلبى: مالها؟
أنا: بتبادلك نفس الشعور؟
قلبى: ما اعرفش ومش مهم!!
أنا: مش مهم ازاى
قلبى: كفاية عليا حبها جوايا
أنا: لازم تسألها
قلبى: انا متأكد
أنا: متأكد ازاى و أنت بتقول ما تعرفش
قلبى: يسكت شوية وهو حيران...
أنا: حيرتنى معاك
قلبى: مش أكتر من حيرتى
أنا: تسمى ده بإية؟
قلبى: حلم جميل ومش عايز أصحى منه
أنا: بس كده يبقى حب من غير أمل
قلبى: أنت عايز تقول اية؟
أنا: لازم تتحرك وتصارحها وتصارح الناس كلها
قلبى: بس انا خايف
أنا: المفروض ما تخافش
قلبى: مش هأخاف و هأعلنها للناس كلها
أنا: المهم هى
قلبى: إحساس بخوف من فقدانه لملكته..
أنا: ابتسمت وقلتله ما تخافش مش هتضيع منك
قلبى: بفرحة قال أنت متأكد؟
أنا: استبشر خير
قلبى: مشى وسابنى وهو فرحان وبيقول بكرة..بكرة..بكرة


"سوف تعرف أنك محب عندما تبدأ فى التحرك ضد مصلحتك الشخصية"...فيلسوف قديم