الأحد، ٣١ ديسمبر ٢٠٠٦

الهروب الكبير

المشهد الاول
الشاب يكلم أصدقائه بغضب...انا قررت اهرب
يحاول أصدقائه ان يثنوه عن فكرته
الشاب يصر على الهروب...ويخرج بسرعة
المشهد الثانى
الشاب يتحرك بخفة...ويحاول أن يحفر
الحارس يمر لكنه لا يرى الشاب وهو يهرب
المشهد التالت
الشاب نجح فى الهروب...ويجرى مسرعا
المشهد الاخير
الشاب يدخل غرفة مكتوب عليها "الزنزانة الوحيدة" سعيدا ويسلم حارسته الجميلة مفتاح الزنزانة
النهاية

"هأوصلك حتى لو عارف انى ممكن اموت...ولو ايديكى مالمستش ايديا...كفاية عليا أموت وانا شايف لهفتك عليا"...تامر حسنى

كفاية بلوجات

يا أحمد كفاية بلوجات بقى..أنت كده بتحرجنى
بصى انا لو ما كتبتش...ممكن أموت
لا خلاص...اكتب...تبقى مجنون وتحرجنى احسن ما تموت وتموتنى!!

"حاجة غريبة...الدنيا لها طعم جديد...انا حاسس ان ده يوم عيد...وانا حاسة الدنيا هربانة ويانا فى ليل كله سعادة"...عبد الحليم وشادية

انا اتسرعت

شكلك متضايق ليه كده يا أحمد؟!!
حاسس انى اتسرعت لما حبيتها...
اتسرعت؟!!
حاسس المفروض انى كنت أدوب فى الارض اللى بتمشى عليها الأول...وبعدين اهيم بجزمتها...وفى الاخر خالص لو فضلت عايش احبها هى!!!

"أقر انا المذكور أعلاه...الساكن فى العنوان اياه...إن الصبر عليا صبر...طعم المر فى قلبى فضل...يمرر فيه ولا عمره قدر...يغير حبك من جواه"...محمد منير

السنة الجديدة

قررت تعمل اية السنة الجديدة...
انا قررت انى اذاكر وادخل كلية الهندسة...
وانا قررت انى أنصر الاسلام والمسلمين...
انا بقى قررت انى اعمل اى حاجة تغيظ الشيطان!!!

"مشينى على كفوف الراحة...نسينى لو حلم وراح...و اشمعنى المعنى بيعرفنى لو باتت فى قلوبنا جراح"...محمد منير

عملية شراء حذاء

داخل محل الأحذية...
البائع: أى خدمة يا أنسة
الفتاة: لو سمحت كنت عايزة حذاء اسود
البائع: مقاس حضرتك كام؟
الفتاة: انا بألبس مقاس 39 بس عشان أعجبه هأخد 37 !!!

"جالتلى بأريدك يا ولد عمى...تعى دوج العسل سايل على فمى"...محمد منير

مبروك يا عادل

مبروك عليك الخطوبة يا عادل..وعقبال الفرح
ياعم ديه بنت عادية جدا
ولما هى عادية هتتجوزها ليه؟
لانى مش شايفها عادية خالص !!!

"ربك لما يريد أحلامنا هتتحقق...وكلامنا هيتصدق...والغايب هيعود"...محمد منير

يوم الفرح

اللى يسمع اسمه يرد يا جماعة...
المأذون....ايوة
العروسة...نعم
الشهود...افندم
العريس...ايوة...ايوة...ايوة

"ايديا فى جيوبى وقلبى طرب...سارح فى غربة بس مش مغترب"....صلاح جاهين

مسرحية

المشهد الاول
الشاب يذهب لأحد الاحياء الشعبية ويكلم احد العاطلين
المشهد الثانى
اليوم التالى..العاطل يفتعل مشاجرة مع الشاب
المشهد التالت
الشاب فى المستشفى مصاب ويبتسم ويقول فى سره "الخطة نجحت وهتيجى تزورنى فى المستشفى"
النهاية...

"انا مش مصدق نفسى انك بين ايديا...من يوم ما حبك خدنى مش بتنام عينيا"..صابر الرباعى

السبت، ٣٠ ديسمبر ٢٠٠٦

المسئولية

انا خايف من المسئولية...أعمل اية يا بابا؟
يابنى المسئولية ديه أحلى حاجة فى الدنيا
ازاى!!!
لو مكانش ابوها وامها اختاروا المسئولية...مكانتش حبيبتك اتخلقت!!!

"بس اما تيجى وانا أحكيلك على اللى جرى...وأمسح دموعى فى منديلك على اللى جرى"...وائل جسار

معارك

بماذا انتهت معركة عين جالوت؟
بفوز المسلمين على التتار
وبماذا انتهت معركة حطين؟
بإنتصار صلاح الدين على الصليبيين
وبماذا انتهت معركة احمد الكيلانى معها؟
بإستسلامه التام لها...وخضوعه لها خضوعا مطلقا !!!

"حقيقة انا أمشي ببطء ... لكن لم يحدث أبدا أنني مشيت خطوة واحدة للوراء"...ابراهام لنكولن

فينك؟

فينك...لا بقينا نشوفك ولا بتخرج زى الاول؟!!
معلهش...اصلى مشغول شوية يا جماعة
خير؟!!
لا ابدا...بس قاعد بأفكر فيها !!!

"خد عين منى وطل عليا...وخد الاتنين وإسأل فيا"....عبد الحليم حافظ

الجمعة، ٢٩ ديسمبر ٢٠٠٦

بيقولوا عليا

نجاتى بيقول عليا مجنون...وابو صلاح بيقول عليا لاسع
وطارق بيقول عليا تايه...وكريم بيقول عليا ضارب
بس انا عاجبها كده...وهو ده المهم !!!

"روحى رايحة منى...نولهولى يا سيدى المغربى...نولهولى وانا أخليه زى حتى الخرقة"...من فيلم الكيت كات

الخميس، ٢٨ ديسمبر ٢٠٠٦

الصمت

مالاحظتش حاجة على صوتها؟!!
يعنى كان متغير شوية..
تلاقيك زعلتها..عارفك قليل الذوق
تفتكر؟...

"الأن قد مات كل أساتذتى ماعدا الصمت"...W S Merwin

الأربعاء، ٢٧ ديسمبر ٢٠٠٦

لعبة من زمان

ورينى كده...أنت هتطلع ظابط
ورينى كده...وأنت هتطلع حرامى
ورينى كده...وانت هتطلع خدام تحت رجلها...يا بختك!!

"أنا لا أملك شىء إذا لم تكن معى"...ويتنى هيوستن

الثلاثاء، ٢٦ ديسمبر ٢٠٠٦

تصبح على خير

تصبح على خير يا أحمد
بس انا مش بأحب الجملة ديه
أمال عايزنى اقولك اية؟!!
قوليلى تصبح تلاقينى أول حاجة تشوفها..

"شايف فيكى أم ولادى..شامم ريحة أرضى وبلدى"...مروان خورى

الاثنين، ٢٥ ديسمبر ٢٠٠٦

مين ده؟

مين ده؟...ده ابوها
ومين ده؟...ده اخوها
طيب ومين ده؟...ده واحد بيقول انها هى اهله !!

"لا أنت بتوب...ولا قلبى بيتوب...انا والله مكتوب عليا ابقى انا وياك"...ديانا كرزون

الأحد، ٢٤ ديسمبر ٢٠٠٦

ساحرة

يابنى ابعد عن البنت ديه...ديه بتسحر للناس...
أنت بتضحك عليا..مستحيل
طيب تفسر بإية سعادة الناس حواليها !!!

"أفضل طريقة لتسعد نفسك هى أن تحاول أن تسعد شخص أخر"...مارك توين

السبت، ٢٣ ديسمبر ٢٠٠٦

قلة أدب

احترم نفسك يا أستاذ...اية قلة الأدب ديه!!!
انا اسف بس مكانش قصدى
تسهرنى ليالى أفكر فيك...وتقولى مكانش قصدك؟!!

"الأحلام هى أجوبة لأسئلة لم نعرف بعد كيف نسألها"...X files

الجمعة، ٢٢ ديسمبر ٢٠٠٦

ملاك


طبعا هتقولى انها شبه الملايكة
لا طبعا هى مش كده
طيب الحمد لله...
هى بس متنكرة فى صورة انسان...!!!

"لكل شىء جماله...لكن ليس كل شخص يراه"...كونفشيوس

الخميس، ٢١ ديسمبر ٢٠٠٦

إستمارة

من فضلك إملا الإستمارة ديه..
طيب أكتب اية فى النوع...؟
اكتب...انسان
طيب والحالة الإجتماعية..؟
اكتب...بأحبها وبأموت فيها !!
"الذين يكذبون كذبة بيضاء...قريبا سيصابون بعمى ألوان"...أوستن مالى